Mediese fondse gaan die entstof wat aan staatspasiënte toegedien word, subsidieer, bykomend tot meer as 7 miljoen lede en afhanklikes vir wie hulle ook gaan betaal.
Dr. Stavros Nicolaou, senior bestuurslid van die farmaseutiese maatskappy Aspen en hoof van die gesondheidstaakspan van Business for South Africa, ’n drukgroep van die private sektor oor pandemieverwante sake, sê die besonderhede word nog uitgewerk.
Dr. Zweli Mkhize, minister van gesondheid, het Maandagaand gesê die regering het begin met ’n vennootskap met die private sektor en het mediese fondse genader om ’n medefinansier te wees.
