Sakeondernemings in vroue se besit kan die BBP teen 2025 wêreldwyd ’n hupstoot van tot R190 000 miljard gee, sê die bestuurskonsultasiefirma McKinsey & Company.
In Suid-Afrika alleen kan vroue-entrepreneurs wat hul ondernemings in 2018 begin het, in die komende jaar tot R175 miljard tot die ekonomie bydra en sowat ’n miljoen nuwe werkgeleenthede skep, berig City Press, Rapport se susterskoerant.
Dit kan egter slegs verwesenlik word as vroue-entrepreneurs toegang tot ’n gemeenskap met netwerkgeleenthede, mentorskap en finansiering het, sê Erin Louw, stigter van Xena, ’n app vir Suid-Afrikaanse vrouesakeeienaars.
