Die landbousektor is die afgelope paar jaar swaar getref deur klimaatsverandering met stygende temperature, gronderosie, ontbossing en die vernietiging van weiding wat landbouproduksie bedreig, sê Standard Bank in ’n verslag oor die verandering in die versekeringsektor in Afrika.
Temperature in Suider-Afrika het die afgelope eeu met tot 1 °C gestyg. Dit klink dalk onbenullig, maar klimaatsverandering is ’n werklike bedreiging vir winsgewendheid in die landbousektor, sê Felix Kagura, hoof van Standard Bank se versekeringsafdeling in Suider- en Sentraal-Afrika.
Landbou dra 25% by tot die vasteland se BBP, 75% tot plaaslike handel en is verantwoordelik vir meer as 60% van indiensneming.
