Kospryse: Vleisgroep waarsku oor dreigende krisis

’n Volskaalse krisis dreig in die landbousektor weens beurtkrag en dit bedreig reeds voedselsekerheid, volgens die vleisgroep Beefmaster.

Roelie van Reenen, voorsieningskettingbestuurder van die Beefmaster Group, sê belangrike infrastruktuur in die landbouverskaffingsketting is besig om in duie te stort weens die onophoudelike beurtkrag.

“Die stelsel was voorheen onder druk, maar met beurtkrag het dit in ’n volskaalse krisis ontaard.”