Labat laat vaar planne vir farmaseutiese dagga

Labat Africa, wat planne gehad het om betrokke te raak by die farmaseutiese aspekte van dagga, gaan vir eers daarvan afsien.

Onderhandelinge met ’n farmaseutiese maatskappy in die Oos-Kaap gaan dus nie voort nie.

Labat, ’n beleggingsbeheermaatskappy met die oud-rugbybaas Brian van Rooyen as uitvoerende hoof, wou volle beheer van ’n Oos-Kaapse onderneming bekom as deel van sy planne om betrokke te raak by die verwerking van die aktiewe farmaseutiese bestanddele van dagga.