Transnet probeer ’n ooreenkoms met vakbonde sluit om minstens bederfbare landbouprodukte in die hawens te hanteer te midde van die jongste loonstaking.
Loongesprekke hervat intussen eers weer Woensdag nadat alternatiewe voorstelle gemaak is om die loondispuut te probeer opklaar, het Transnet Dinsdagoggend aangekondig.
Uit gesprekke Maandagaand tussen Pravin Gordhan, minister van openbare ondernemings, Transnet se leierskap en rolspelers in die in- en uitvoerbedryf blyk dit dat die bedryf selfs bereid is om ’n bonus aan Transnet te betaal as uitvoerbedrywighede kan voortgaan te midde van die staking.
