Beurtkrag gaan suikerrietboere na verwagting in 2023 baie na aan R1 miljard kos.
Die Suikerrietkwekersvereniging van Suid-Afrika doen daarom ’n beroep op die regering om dringende stappe te doen wat op kort termyn die impak van beurtkrag sal versag terwyl langtermynoplossings sloer.
Volgens Andrew Russell, voorsitter van die vereniging, dra beurtkrag tot bestaande probleme in die bedryf by. Dit sluit in dat die land se grootste suikerprodusent, Tongaat Hulett, in sakeredding is, en die impak van die suikerbelasting op suikerverbruik.
