Baba is baas: Clicks het baie hoop vir nuwe babawinkel

Dié berig is ná publikasie bygewerk ná ’n onderhoud met Vikesh Ramsunder, uitvoerende hoof van Clicks.

Nuwe ma’s en pa’s gaan dalk die wenners wees in die stryd vir hul rande en sente wat tussen Clicks en Dis-Chem opwarm.

Clicks het Donderdag met die bekendmaking van sy jaarresultate gesê hy het sy eerste alleenstaande babawinkel, bekend as Clicks Baby, as proeflopie geopen as ’n manier om sy aanlyn aanbod van babaprodukte ten toon te stel.