Libstar, een van die land se grootste kosprodusente, trek swaar weens beurtkrag.
Charl de Villiers, die groep se nuwe uitvoerende hoof, sê ’n kragonderbreking van net agt sekondes kan produksie by net een van sy afdelings, Cecil Vinegar Works, met tot twee weke vertraag – en daar was uiteraard báie onderbrekings die afgelope jaar. Die vervaardigingsiklus van asyn is “besonder sensitief” vir kragonderbrekings.
Cecil is een van Libstar se byna 20 filiale, wat ook Lancewood, Denny Mushrooms en Cape Herb & Spice insluit.
