Die JSE het in November sy beste maand in meer as twee jaar gehad.
Volgens Peter Little, fondsbestuurder van Anchor Capital, het die mark in November met 9,6% maand tot maand gestyg. Dis gemeet aan die JSE se indeks van aandele wat die grootte of gewig van maatskappye beperk sodat die algehele indruk nie skeefgetrek word nie. Dié Swix Capped-indeks van alle aandele beperk die grootte van aandele soos BHP, Richemont en Anglo American wat saam ’n baie groot deel van die beurs uitmaak.
Die vertoning het die mark weer in ’n positiewe posisie geplaas van die begin van die jaar af omdat dit met 7,4% gestyg het.
