Mediclinic-hospitale in Suider-Afrika was die enigste uitblinker in die afgelope halfjaar tot einde September vir dié hospitaalgroep, wat ook in Switserland en die Midde-Ooste bedrywig is.
Mediclinic is in die proses om oorgeneem te word deur ’n konsortium wat tussen die beleggingsgroep Remgro en internasionale skeepsredery MSC geskep is.
Die hospitaalgroep beplan om in die eerste kwartaal te denoteer en word ’n private maatskappy, wat beteken dat hierdie stel resultate wat Woensdag uitgereik is waarskynlik sy laaste gaan wees wat openbaar gemaak word. Sy boekjaarresultate word normaalweg in Mei uitgereik.
