Die tendens duur voor dat al hoe minder mense luukse horlosies koop in die era van slimhorlosies en fiksheidsbandjies.
Richemont se verkope van €758 miljoen se luukse horlosies net in die Kersfees-kwartaal wys egter dit sou voortydig wees om die doodsklok vir prestigeryke handelsname soos Baume & Mercier, Jaeger-LeCoultre, Piaget en Vacheron Constantin te lui.
In die vierde kwartaal van 2020, die derde van sy boekjaar, het die luuksegoederegroep Richemont 4% minder uit die verkope van horlosies verdien as in dieselfde kwartaal van 2019. Verkope het wel ’n stewige hupstoot gekry danksy die Watches & Wonders-uitstalling in Sanya, China.
