Die grootbase van genoteerde maatskappye se frustrasie met die regering is besig om oor te kook.
Sakeleiers is al dikwels gekritiseer omdat hulle nie uitpraat oor die regering se mislukkings nie, maar die afgelope weke het verskeie maatskappybase gewaarsku dat die verwaarlosing van vervoernetwerke, swak dienslewering en korrupsie ’n kritieke punt bereik het.
Maandag het Ralph Mupita, hoof van MTN, gesê beurtkrag, power logistieke infrastruktuur en korrupsie kan Suid-Afrika in ’n mislukte staat verander.
