Die Shoprite-groep gaan dalk vanjaar vir die eerste keer verkope van R200 miljard behaal.
Só reken Pieter Engelbrecht, uitvoerende hoof van die kleinhandelaar wat Shoprite, Checkers, Usave, OK en MediRite insluit, in die lig van verkope van R91,1 miljard vir die ses maande tot 2 Januarie 2022, die eerste helfte van die groep se boekjaar.
Engelbrecht sê dit is merkwaardig dat die groep se verkope in dubbelsyfers (10%) gestyg het, maar óók dat die bruto wins in dubbelsyfers (10,1%) tot R22 miljard gegroei het.
