Die gewilde Chinese aanlyn klerewinkel SHEIN is in die Suid-Afrikaanse regering se visier weens plaaslike klerewinkels en vakbonde se klagtes dat die maatskappy skuiwergate misbruik om klere spotgoedkoop die land in te bring.
SHEIN, wat van 2008 bestaan, verkoop klere aanlyn en verskeep dit na meer as 150 lande, waaronder Suid-Afrika.
Die e-handelaar verkoop klere teen ’n appel en ’n ei, soos denims teen so min as R279, bloese van onder R200 en rokke wat begin by R100 elk. Die klere vind veral byval by die jonger generasie modebewustes.
