Vergeet van ski hier – ons het nie krag nie!

Beurtkrag is een van twee hoofredes waarom vakansiegangers aan ’n ski-oord in die Maluti­berge op die Lesotho-grens nie vanjaar teen die hange sal kan afski nie.

Dit is die eerste keer sedert 2009 dat Afriski Mountain Resort nie in die winter ’n ski-avontuur aan sy gaste sal bied nie.

Die oord kan steeds gaste ontvang, maar hul sneeumasjiene kan nie vir ure aaneen aan ’n kragopwekker gekoppel word nie. Mense kan steeds daar oorbly, in die restaurant eet, die ritslyn gebruik en staproetes geniet.