Die Wes-Kaapse regering steun nie die skep van nog ’n nuwe staatsonderneming in die vorm van ’n nasionale skeepsredery nie.
Dit is die reaksie van Mireille Wenger, Wes-Kaapse LUR vir finansies en ekonomiese geleenthede, op ’n konsepweergawe van ’n wetsontwerp oor Suid-Afrikaanse verskeping. Die wetsontwerp het ten doel om ’n staatsbeheerde skeepsredery op die been te bring om handel te bevorder.
Safmarine was jare lank ’n Suid-Afrikaanse skeepsredery, maar sedert die Deense skeepsredery Maersk in 1999 vir Safmarine oorgeneem het, het Suid-Afrika nie meer ’n nasionale skeepsredery nie, sê die departement van vervoer.
