Exxaro trek groot voordeel uit Europa se aptyt vir steenkool

Rusland se dood is Exxaro se brood.

Europa se honger na steenkool weens sy sanksies teen Russiese steenkoolinvoer, asook stygende gaspryse in Europa te midde van minder gasinvoer uit Rusland, was die afgelope boekjaar tot groot voordeel van die Suid-Afrikaanse steenkooluitvoerder Exxaro.

Dit het saamgeval met sterk steenkoolpryse wat vir ’n groot deel van verlede jaar bo $300 per ton geboer het vergeleke met die pryse van onder $200 per ton in 2021.