Gebruikers van die sosialemediaplatform Facebook wat kwesbaar vir kuberkrakers is, sal voortaan verplig word om ’n tweefaktor-verifikasie te aktiveer.
’n Tweefaktor-verifikasie is wanneer jy op meer as een manier toegang moet verkry tot die platform of app wat jy wil gebruik, byvoorbeeld deur ’n wagwoord sowel as ’n eenmalige pin wat na jou selfoon gestuur word.
Volgens die webwerf Merchant Fraud Journal werk ’n tweefaktor-verifikasie deur ’n bykomende laag sekerheid by jou aanlyn rekeninge te voeg.
