ChatGPT behou sy sin vir humor, selfs al is daar tegniese probleme

Die kletsbot wat die wêreld aan die gons het, ChatGPT, het van tyd tot tyd tegniese probleme. Maar moenie vrees nie, dit sal jou steeds nie teleurstel nie.

Gewoonlik as ’n webwerf nie beskikbaar is nie, kry die gebruiker ’n droë boodskap soos “tans nie beskikbaar nie”, maar ChatGPT is nie so vervelig nie.

Dié kletsbot, wat die wêreld op hol het met hoe slim dit ingewikkelde vrae beantwoord, is net so innoverend as daar fout is op die platform.