Huawei mag steeds nie Google-dienste op sy slimfone hê nie, maar dit keer die Chinese reus nie om uitstekende tegnologie te ontwikkel nie.
Die maatskappy stel Donderdag sy vlagskipfoon, die Mate50 Pro, in Suid-Afrika bekend. Dit het ’n vierkamerastelsel wat werk nes dié van ’n goeie digitale kamera.
Die kamerastelsel het ’n aanpasbare kameralens met tien stellings. As jy na die kameralens kyk, kan jy sien hoe dit groter en kleiner word, nes soos dié op professionele kameras. Dit gee gebruikers die kans om kreatiewe foto’s te neem en self te kies hoeveel lig hulle wil inlaat.
