Octotel beklink lening van R2 mjd. om halfmiljoen huise van vesel te voorsien

Die veselnetwerkoperateur Octotel beplan om sy netwerk na 500 000 huise uit te brei danksy ’n innoverende finansieringspakket van RMB.

As ’n leier in veselkonnektiwiteit in veral die Wes-Kaap, het Octotel reeds byna 300 000 huise verbind, waarvan ongeveer ’n derde wel vesel gebruik.

Die R2 miljard sal help met Octotel se doelwit om die grootte van sy netwerk oor die volgende drie tot vyf jaar te verdubbel, ook na gebied wat nie op die oomblik toegang tot vesel het nie.