Wat het Sekoekoeniland, Wits en Harvard Business School in gemeen? Ooglopend nie veel nie, maar álles as jy Mamongae Mahlare, grootbaas van die Takealot-groep, is.
Sekoekoeniland in diep, landelike Limpopo is waar Mahlare gebore en getoë is. Wits is waar sy chemiese ingenieurswese gaan studeer het en Harvard is waar sy haar MBA verwerf het.
Mahlare is van Oktober 2021 die uitvoerende hoof van die Takealot-groep met die filiale takealot.com, Superbalist en Mr D in sy stal. Sy het die leisels oorgeneem by Kim Reid, stigter van Takealot, wat die platform sedert 2011 uitgebrei het van ’n beskeie aanlyn winkel tot een met meer as 8 000 verkopers, twee verspreidingsentrums en 90 oplaaipunte.
