Vir Michael Dreeckmeier (18) is daar iets “moois” aan wiskunde, veral wanneer dieper gedelf word in die probleem wat opgelos moet word.
Hy is die toppresteerder in alpha-wiskunde in Suid-Afrika nadat hy volpunte (200 uit 200) in die eindeksamen behaal het. Hy kry dus ’n kontantprys van R1 000 van die Alpha-Wiskunde-direksie.
Michael, wat aan die Hoërskool Waterkloof in Pretoria gematrikuleer het, erken dat hy die finale vraestel maklik gevind het, maar vir hom is die begrip van wiskunde oor die algemeen iets wat natuurlik kom.
