Goue Gerda voortaan nie meer in Nedbank se kleure

Goeie dinge begin gebeur wanneer jy buite die grense van jou gemaksone tree.

Met dié stelling het die langasem Gerda Steyn aangekondig dat sy – ná ses jaar – nie in 2022 weer in die bekende groen kleredrag van die Nedbank-hardloopklub te sien sal wees nie.

Steyn het sedert haar aansluiting by die Nedbank-hardloopklub in ’n Olimpiese atleet, Comrades-ultramarathon-kampioen, tweemalige Twee Oseane-ultramarathon-kampioen en ook ’n nasionale rekordhouer in die marathon ontluik.