Alle eersterangse krieket in Ierland is vir ’n tweede opeenvolgende seisoen vanweë die Covid-19-pandemie opgeskort.
Die Iere se toetsspan het in 2019 laas toetskrieket gespeel en sal eers weer in Desember in ’n eenmalige toets teen Sri Lanka te staan kom.
Graham Ford, oud-Protea-afrigter en die Iere se hoofbreier, sê die aandag sal slegs op eendag- en T20-krieket toegespits word, met die oog op komende Wêreldbekertoernooie. Elke span sal tussen Mei en September in slegs ses eendagwedstryde speel en daar sal driedaagse T20-toernooie wees. – cricinfo
