Dit was ’n ‘waterskeidingsoomblik’ – Bavuma

Temba Bavuma, kaptein van die Proteas, sê hulle is al nader aan die positiewe krieket wat hulle wil speel en het die vertoning in die laaste eendagwedstryd teen die Wes-Indiese Eilande as ’n waterskeidingsoomblik beskryf.

Suid-Afrika het die derde wedstryd tussen die spanne Dinsdag in Potchefstroom – met Heinrich Klaasen aan die voorpunt met ’n onverskrokke kolfbeurt – met vier paaltjies gewen deur 264/5 in net 30 beurte te moker.

Die reeks het daarmee met 1-1 gelykop geëindig.