As die breintrust van die nasionale toetsspan nie versigtig is nie, gaan hulle Ryan Rickelton só vervreem dat hy dieselfde paadjie as Devon Conway sal stap.
So sê die voormalige Protea-kolwer Herschelle Gibbs.
Rickelton, wat die afgelope drie seisoene ’n eersterangse kolfgemiddeld van 70 in plaaslike vierdag- en Engelse graafskapkrieket handhaaf, is oor die hoof gesien vir die eerste toets teen die Wes-Indiese Eilande. Hoewel die Proteas dié toets op SuperSport-park oortuigend met 87 lopies gewen het, het ’n paar spankeuses kenners se oë laat rek.
