Temba Bavuma en Aiden Markram het Vrydag onoorwonne vyftigtalle aangeteken in die Proteas se oorwinning met agt paaltjies oor Nederland in hul eerste eendagwedstryd in Benoni.
Hoewel Suid-Afrika met die tien ligapunte vir die oorwinning nou nes die Wes-Indiese Eilande ook 88 punte het in die Superliga ter kwalifisering vir die Wêreldbeker-toernooi, is hy steeds negende net agter die Windies.
Die Proteas kan hulle met Sondag se laaste wedstryd op die Wanderers verbysteek. Ierland (68 punte), wat in Mei drie wedstryde teen Bangladesj in Engeland speel, is die enigste ander span wat ook nog kan kwalifiseer.
