Niemand het verwag die Boland Rocks gaan sommer in die eerste seisoen al die T20-eindstryd haal nie en daarom moet sy spanmaats vandag se wedstryd sonder druk aanpak, het Pieter Malan, kaptein van die Bolanders, gister gesê.
Die Titans is die gunsteling in die eindstryd wat om 13:00 begin. “Almal verwag van die Titans om bekers te wen, dis ons eerste eindstryd as professionele span.
“Daar is geen druk op ons nie. Ons kan net uitgaan en speel soos ons nog die hele toernooi speel en op die dag kan enigiets gebeur.”
