Adam Peaty van Brittanje het Sondag by die Internasionale Swemliga-byeenkoms in Boedapest, Hongarye, ’n nuwe wêreldrekord van 55.49 sekondes in die 100 meter-borsslag in die kortbad losgeswem.
Die vorige rekord van 55.61 sekondes is 11 jaar gelde deur Cameron van den Burgh van Suid-Afrika in Berlyn opgestel.
“Dit is my eerste kortbad-wêreldrekord en ek sukkel gewoonlik daarmee, maar niemand werk harder (as ek) oor die laaste lengte nie en daardie een was vir my familie,” het Peaty aan die BBC gesê.
