Sewe lede van Engeland se seëvierende span wat in 2018 die netbalkompetisie by die Statebondspele gewen het, is weer vir die Engelse Rose gekies om aan die toernooi deel te neem.
Vier spelers sal hul debuut maak: Eleanor Cardwell, Sophie Drakeford-Lewis, Layla Guscoth en Laura Malcolm. Die Rose het ook ’n nuwe kaptein in Natalie Metcalf, met Jo Harten as haar adjudant.
Serena Guthrie (32), die Engelse se jare lange kaptein, het in Maart haar uittrede aangekondig en gesê sy verwag haar eersteling.
