Nadat hy in die onlangse Mare Nostrum-swemliga in Europa nege goue medaljes losgeswem het, het die opkomende 18-jarige held Matt Sates in Turkye saam met ander topswemmers geoefen vir Fina (swem se internasionale beheerliggaam) se Wêreldbyeenkoms, wat Saterdag in Boedapest, Hongarye, begin.
“In Turkye het ek saam met ’n groep vinnige swemmers geoefen. Ons het die beste uit mekaar gehaal en dit was wonderlik,” sê Sates luidens ’n verklaring van Swem Suid-Afrika (SSA).
Sates sal in Boedapest aan die 200 m- en 400-wisselslag, die 100-vlinderslag en die 200-vryslag deelneem.
