My span, my skuld.
Dit was min of meer die strekking van die bekentenis wat Jake White, die Bulle se direkteur van rugby, Vrydagaand teenoor die media gemaak het nadat die unie se Curriebeker-span skandes gemaak het op Loftus Versfeld om segeloos in vanjaar se kompetisie te bly.
Alles is tans blou op Loftus, en nie op ’n goeie manier nie, met die Bulle wat nie net albei hul eerste Curriebeker-wedstryde van die seisoen verloor het nie, maar nou in hul laaste ses wedstryde in alle kompetisies aan die kortste ent getrek het.
