Eduan Swart, haker van die Pumas, se rugbyseisoen is verby nadat hy Vrydagaand in ’n Curriebeker (CB)-wedstryd teen die Vrystaat-Cheetahs in Bloemfontein sy enkel gebreek het.
Swart (22) is reeds in die eerste helfte van die veld. Die Pumas, die enigste onoorwonne span in vanjaar se CB-reeks, het nege drieë gedruk om op ’n drafstap met 61-21 te wen.
Die verwagting is dat Llewellyn Classen of Jacques Momberg die Pumas se nr. 2-trui eerskomende Vrydagaand teen die Haaie in Durban gaan dra. Of Jimmy Stonehouse, die Laevelders se afrigter, kan dalk besluit om Corné Fourie van loskopstut na haker te skuif.
