Dit is nou amptelik: Daar het ’n verloorkultuur by die Bulle-rugbyspan op Loftus Versfeld posgevat.
Die tuisspan het die Westelike Provinsie Vrydagaand op sy tuisveld met sy beste moontlike span in ’n Curriebeker-kragmeting aangedruf, maar selfs dít het nie gedeug nie.
Jy het vooraf na die twee spanne op papier gekyk en dit het ’n taamlike maklike sege vir die tuisspan voorspel.
