Die Leeus het Donderdagoggend per bus vanaf Ellispark in Johannesburg na Mbombela vertrek om die omgekrapte Pumas, die Curriebeker-kampioenspan, Vrydagmiddag in die Laeveld te pak.
’n Groot taak wag daar op die Leeus nadat die Pumas die Bulle Sondagmiddag op Loftus Versfeld in Pretoria sy grootste tuisnederlaag ooit (15-63) toegedien het.
Die Leeus, wat verlede jaar laaste in die Curriebeker-reeks geëindig het, het op sy beurt met 28-44 teen die Westelike Provinsie op Ellispark vasgeval.
