Griekwas se spelers was moontlik heeltemal oorweldig deur die geleentheid om Saterdag in die Curriebeker-eindstryd te speel, sê Pieter Bergh, afrigter van die Noord-Kapenaars.
Bergh draai nie doekies omg oor sy span se nederlaag teen die Pumas in die eindstryd in Kimberley nie. Die Pumas het met 26-19 gewen.
Vooraf is daar groot gewag daarvan gemaak dat Griekwas vanjaar die eerste keer sedert 1970 weer die Curriebeker kan wen. Daardie jaar, met Mannetjies Roux as kaptein, was ook die laaste keer voor Saterdag dat Griekwas in die eindstryd gespeel het.
