Daar was ’n tyd toe die Pumas se vleuel Qamani Kota so gefrustreerd oor sy min speelkans was, dat hy gewonder het of hy rugby nie eerder moet laat vaar nie.
Kota (24) sê ook hy het gedink hy sou nou al baie verder in sy rugbyloopbaan gevorder het. Hy is ’n oudleerling van Welkom Gimnasium, wat in 2017 vir die Suid-Afrikaanse Skolespan gespeel het.
Tussen 2018 en 2020 was hy by die Bulle, waar hy maar meestal duiksakke gedra het. In 2021 en 2022 was hy toe by die nasionale sewesakademie, sonder om ooit vir die Blitsbokke gekies te word.
