Neem hy die vorige wenners in ag, besef die Springbok-slot Eben Etzebeth net hoe ’n groot eer dit is om as Suid-Afrika se Rugbyspeler van die Jaar gekroon te word.
“Uiteraard is dit ’n groot voorreg. Ek het na van die name op die trofee gekyk en daar is wonderlike individue,” het Etzebeth Dinsdag op ’n nuuskonferensie by die Suid-Afrikaanse Rugbyunie (Saru) se kantore in Kaapstad gesê.
“Ons almal weet dit is ’n spansport en welgedaan ook aan die ander benoemdes. Hulle was almal fantasties en ek dink daar is baie ander ouens wat nie altyd erkenning kry nie. Maar dis lekker om hierdie trofee te wen en dit vir die eerste keer te kon doen.”
