Dis nou amptelik: Warrick Gelant en Trevor Nyakane word vanjaar spanmaats.
Rapport kan bevestig dat Gelant die week in Parys was om sy kontrak met Nyakane se Franse klubspan Racing 92 te finaliseer. Nyakane het hom al einde verlede jaar daar aangesluit.
Gelant kon oorsee reis aangesien hy nie na die Springbokke se tweede belyningskamp genooi is nie wat die afgelope week in die Kaap plaasgevind het. Damian Willemse, die veelsydige Frans Steyn, Aphelele Fassi en die beseerde Kurt-Lee Arendse is die plaaslike heelagters wat na die tweede belyningskamp genooi is.
