Dit was heel gepas dat Ierland, die voorste span op Wêreldrugby se ranglys, sy eerste Sesnasies-kroon sedert 2018 verower het toe hy Engeland Saterdag in Dublin met 29-16 in die laaste wedstryd in vanjaar se reeks geklop het.
Die Iere, wat die Engelse moes klop of ’n bonuspunt verwerf het om hul eerste Grand Slam in die Ierse hoofstad te wen, se senuwees het veral in die eerste helfte gelol, wat tot ’n hele paar onnodige foute en bottervingers gelei het.
Dit was die gevolg nadat Frankryk vroeër in Parys vir Wallis met ’n bonuspuntsege van 41-28 geklop het om sy agterdeur oop te hou.
