La Rochelle het Sondag in Lens sy plek in die eindstryd van die Europese Kampioenebeker-reeks bespreek deur nog ’n Franse span, Racing 92, met 20-13 in die halfeindronde te klop.
Die Ierste rugbyreus Leinster sal La Rochelle se teenstander wees nadat hy Saterdag vir Toulouse in die eerste halfeindstryd gemaklik met 40-17 verslaan het.
La Rochelle, wat die Suid-Afrikaners Dillon Lleyds, Raymond Rhule en Wiaan Liebenberg in sy beginspan gehad het, het verlede jaar teen Toulouse in die eindstryd verloor.
