Covid-19 een van Nienaber se ‘keurders’

Dis die sterkste moontlike Bokspan wat hy kon kies nadat die Covid-19-pandemie een van die “keurders” was.

Jacques Nienaber het Dinsdag uiteindelik die kans gekry om sy eerste Springbokspan aan te kondig – meer as ’n jaar nadat hy as Rassie Erasmus se opvolger aangewys is.

Dit sal Vrydagaand in Pretoria, wanneer die Bokke teen Georgië aantree, ’n volle 20 maande wees sedert Suid-Afrika in die Wêreldbeker-eindstryd in Japan geseëvier het.