Lof vir All Black wat erken hy is gay

Die voormalige stut Campbell Johnstone het Maandagaand op ’n TV-program in Nieu-Seeland onthul hy is gay – die eerste All Black wat dit gedoen het.

Volgens Johnstone, wat in 2005 in drie toetse gespeel het, het hy ’n “leuen en dubbele lewe gelei” voordat hy eerlik met homself oor sy seksualiteit was.

Johnstone het die nuus aan sy familie en nabye vriende gebreek voordat hy dit op die aktuelesakeprogram Seven Sharp openbaar gemaak het.