Oorsese Bokke glo vir kamp genooi

Oefenkamp? Watter oefenkamp?

Dit is die terugvoering in Suid-Afrikaanse rugbykringe ná die nuus uit Engeland dat die meeste van die Sale Sharks se Springbokke in kennis gestel is dat hulle vir ’n oefenkamp moet aanmeld.

Steve Diamond, die Sharks se direkteur van rugby, het onthul hulle sal sewe spelers – Rohan Janse van Rensburg, Faf de Klerk, Coenie Oosthuizen, Akker van der Merwe en die Du Preez-broers, Dan, Rob en Jean-Luc, aan die Bokke se oefenkamp afstaan.