Die Blitsbok Rosko Specman lek sy lippe af vir die geleentheid om weer vir die Cheetahs uit te draf, maar besef hy is nie gewaarborg van ’n plek in die span nie.
Die Cheetahs het Maandag in ’n verklaring aangekondig dat die 31-jarige Specman, ’n boorling van Makhanda, amptelik ’n inwoner van die Rosestad gaan word. Hy val op 1 Julie in Bloemfontein in, en sal vir die volgende twee jaar vir die Cheetahs beskikbaar wees.
“Ek sien baie uit na die kans. Die tipe spelers wat Hawies (Fourie, afrigter van die Cheetahs) kontrakteer, is manne wat daarvan hou om die bal te skuif.
