Steve Diamond het sy kantoor as die Engelse rugbyklub Sale Sharks se direkteur van rugby ontruim, het Premiership Rugby Dinsdag in ’n nuusverklaring aangekondig.
Dié stap is onverwags, want Sale is nie in die moeilikheid op die puntelys nie. Trouens, die Sharks het twee van hul drie wedstryde tot op hede hierdie seisoen gewen en was ’n paar maande gelede ongelukkig om vanweë ’n uitbreek van Covid-19-gevalle nie die uitkloprondes van die vorige seisoen te haal nie.
“Hy verlaat die Sale Sharks in ’n sterk posisie en het die klub in baie areas versterk,” sê die Sharks in die verklaring.
