Hoewel die Blitsbokke die afgelope naweek in Sydney gebuk gegaan het onder beserings, sê die span se hoofafrigter, Sandile Ngcobo, dit nie as ’n verskoning vir Suid-Afrika se groot nederlaag in die eindstryd dien nie.
Nieu-Seeland het die Blitsbokke Sondag met 38-0 afgeransel.
Ondersteuners sou vooraf vol vertroue gewees dat die Suid-Afrikaners die toernooi kan wen nadat die nasionale span Fidji in die halfeindronde met 31-12 ore aangesit het. ’n Oorwinning in die eindstryd was egter net ’n hekkie te hoog vir die Blitsbokke.
