’n Drie met net meer as twee minute se speeltyd oor het Argentinië Sondag in staat gestel om die Blitsbokke in die uitspeelwedstryd om die vyfde plek in die Hongkong-sewestoernooi te klop.
Die Argentyne het die klipharde wedstryd in ’n nat Hongkong met 7-5 gewen.
Nie een van die spanne het punte in die eerste helfte aangeteken nie. Dit was kliphard, met albei spanne wat verdedig het asof hul lewe daarvan afhang.
